Katibu Mkuu wa Umoja wa Mataifa Antonio Guterres kupitia ujumbe wake mahususi kwa ajili ya Siku ya Kimataifa ya Wahamiaji ametoa wito kwa ulimwengu kuitumia siku hii kujikumbusha kwamba pamoja na kwamba tunasherehekea michango ambayo mamilioni ya wahamiaji hutoa kwa jamii, uchumi na nchi kote ulimwenguni lakini leo pia ni siku ya kujikumbusha changamoto ambazo wahamiaji wanaweza kukumbana nazo kuanzia kwenye chuki na ubaguzi, hadi unyanyasaji wa moja kwa moja na kubaguliwa, hadi ukatili usiofikirika wa biashara haramu ya binadamu.